el marinante
Scriveme: elmarinante@libero.it
Bottoni
Pupoloti
Ecco perche' sto ano no vago a votare:
gazzettino.quinordest.it/VisualizzaArticolo.php3
E dopo i puo' contarme quelo che i vuole, i reste sempre tuti pupoloti.
Atori principali e comparse
La machina nova, tira' a lucido apena vegnua via dal lavagio. Te vedo smontare vestio come un dotore, celulare in man, ultimo modelo. I ma dito che ti t'a' tolto na casa sempre granda che pare na regia.
Na vogia de vivare sempre al massimo, de vivare da protagonisti. Na vogia de essare sempre el primo a tuti i costi. No provo invidia, se no se parlemo pi xe' perche' TI no ti me consideri al to livelo. Mi su povereto, su uno de quei che xe' nati perdenti, na comparsa e ti l'atore principale.
Ma da dove salteli fuora tuti sti schei ? Mi lavoro tanto, saro' anca marinante tegnoso, ma i schei me pare sempre puochi.
St'altro dì verxo el giornale e vedo el to nome: i t'a' ciapa' per droga insieme a altri dixisette pelegrini. Anche stavolta ti a volesto essare el protagonista; mi preferisso continuare a fare la comparsa.
Notte.
in pisseria
Pissa d'asporto. El pissaiolo in forte ritardo a na cliente:
"... vara scusame, tra sinque minuti la pissa xe' pronta... "
La cliente: "... s'e' fortunai che AMICI va su a le nove, perche' se me lo fevi perdare ve fevo la remengo... !!!"
Mah.
Ludri
Ma xei lavori da fare sti qua ? Bia' essare proprio inioranti pe butare i mobili in tel bidon del secco.
Casa
No so se xe un problema che ve riguarde anche voialtri, ma da un fia' de tempo o comincia' a vardare i pressi de le case. E alora, 200 300 400 mila euro. Ma xei mati ? Ma cossa ghe xe' a Marina che le case coste tuti sti schei ?
Se ti te sposti de un pero de chilometri fuora co che i schei te vien na villa, ma un marinante come mi no ghe la fa a 'ndare a stare fuora. Massa liga' al paese.
Sto qua a gera un pensiero de la sera. Ve l'o' dito, dixeme cossa che pense' voialtri.
Bona notte.
Parchegio a pagamento.
E alora: rive' co la machina, parchegie' tranquili e smonte'. Fato questo, mete' la testa soto la machina per vedare che numaro che ghe xe' scrito in tera. Tegnive el numero in mente e ande' in te la machineta.Dove' dirghe a la machineta inteligente sora che numero che ave' parchegia' e metare dentro tanti schei seconda el tempo che vole' stare. Soto l'asfalto i a messo un sensore che scaduo el tempo avise l'ometo che core in motorela a cassarve la multa !
Ma se ti sbagli de dirghe el numero de parchegio ti a do possibilita': ti sposti la machina sora el numero che ti a scrito per sbaglio. Se el numero xe' de za' ocupa', la machineta te ciave i schei. Per questo che la o ciama' inteligente.
Se i te fa le strisse soto casa i te fa na tessera da metare dentro la machineta che ghe dixe: ou' vara che mi stago qua de sora, no stai a fare la spia co l'ometo de le multe. Inoltre (scrito in tel sito de l'asp) no serve metare el biglieto in bela vista; pode' tegnirvelo anca in scarsela.
Mah, la dovarave essare cossi'...
Punti de vista
Elo a impesta' el paese col so muso. Qualc'un a scrito quelo che penseva de elo su tuti i manifesti.
Foto gentilmente oferta da l'Enver.
Ciao a tuti, steme ben.
El grande fradelo
strisse blu
Ho fatto un sogno l'altro ieri
e tuto questo per colpa del Guarnieri
me su svegia' tuto sua'
pensando che le strisse blu anca in garage a me avesse pitura'
Ma mi ghe digo stai calmo Fortunato
il mio garage e' gia' pagato
e se altri soldi vorrai tu
la prossima volta non ti votero' piu'.
Notte fioi.
Panei luminosi
Me scrive un caro paesan (in te la mia meil) e me fa notare i panei luminosi messi uno a la madona, uno a borgo san giovani e uno in lungomare di fronte al palace. El boscolo me domande a cossa che i puo' servire.
Caro amico i panei serve a puoco niente. I te dixe l'ora, la data e se in cita' ghe xe' qualche manifestassion. Pitosto stai atento che vardando i panei ti ris-ci de folarte na merda.
Saludo.
